Welcome to our site.!!

Thursday, 5 January 2017

இவன் மீது ஒரு மையல்

எப்போதும் போலவே நான் ரசித்த பாடல்களை திரும்ப திரும்ப கேட்பதுண்டு.அன்றும்  அதே போல தூரத்து உறவு ஒன்று எங்கள் வீட்டுக்கு வந்ததும் காதில் மாட்டியிருந்த வோலக்மேன் ( walk-man ) கழட்டி டீவி மேசையில் வைத்துவிட்டு பெற்றோருடன் கதை பேசிக்கொண்டிருந்த நேரம்,
புதிதா ஏதோ ஒன்றைப்பார்த்த சந்தோசம் அதை ஒருதடவையாவது காதில் மாட்டிப்பார்க்க தோன்றியது.
மிட்டாய்க்கு ஏங்கிய குழந்தை போல அந்த நேரத்திற்காக காத்திருந்த போது பயத்தை விட்டு அந்த பெயர் தெரியா பொருளை கையில் பக்குவமாய் எடுத்து மெல்ல காதருகில் யாரும் பார்த்து விடக்கூடாதென்று கண்களை அலைபாய விட்டபடி காதில் மாட்டிய தருணம் அது !
பாடல் முடியும் தருணம் ஏதோ சாதித்து விட்டதான ஒரு மனநிலை , தூரத்தில் நின்ற என் அம்மாவின் பார்வையில் ஒரு கண்டிப்பு அது !
"ஓர் உண்மை சொன்னால் நேசிப்பாயா"அந்த ஐந்து நிமிடங்களும் எனக்கானது அது அவன் இசைக்கானது.
பின் ஒவ்வொருநாளும் ஏதோ ஒரு பாடலையாவது கேட்டு விட வேண்டும் என இசைத்தட்டில் பிரதியெடுத்த பாடலை சத்தமாம கேட்பதும் என்றாவது ஒரு நாள் ஏனோ என்னை விட யாரும் இசையை ரசிக்க மாட்டார்கள் என்று வீட்டின் உள்ளே மட்டும் மெதுவாக இழையோடும் சத்தத்தில் அவன் பாடலை கேட்பதுமாக இருந்தது.
இரு பூக்கள் கிளை மேலே ( Dilse ) , சின்னச்சின்ன ஆசை , பச்சைநிறமே பச்சை நிறமே , இனனும் எத்தனையோ பாடல்களை ஆயிரம் தடவைகள் கேட்டிருப்பேன்.
அதுவும் இவனின் டொரன்டோ & தூபாய் நேரடி இசைநிகழ்சிகளின் CD களை திரும்பத்திரும்ப போட்டுப்பார்த்ததும் நண்பர்கள் கேட்டபோது கொடுக்காமல் காரணம் சொல்வதுமான ஒரு குழந்தைதனத்தை என்மீது இவன் இசை மூலம் ஏவி இருந்தான்.
எல்லோரும் எதிர் பார்த்து போல இருகைகளில் உலகம் கொண்டாடும் அந்த ஆஸ்கார் விருதுகளை ஏந்தியபோது நமக்கான இந்த தமிழனுக்கான "ஒரு தெய்வம் தந்த பூ" இவன் !
Happy Birthday Ar Rahman

No comments:

Post a Comment