Welcome to our site.!!

Monday, 14 March 2011

வெளிநாடுகளிலே வாழும் தமிழரின் வாழ்க்கை முறை!!!!!!


இட்லி என்னடா தோசை என்னடா அவசரமான உலகத்திலே


மெக்டானல்ட்ஸ் போகிறார் வாங்கித் தின்கிறார் ஃப்ரெஞ்சு ஃப்ரைஸைத் தான் காருக்குள்ளே
ஃப்ரெஞ்சு ஃப்ரைஸைத் தான் காருக்குள்ளே

தாயும் தந்தையும் ராவும் பகலுமாய் ஓடி உழைக்கிறார் பாரடா
இவர் பெற்ற பிள்ளைகள் தனித்து வீட்டிலே இருக்கும் சேதியும் கேளடா
இருக்கும் சேதியும் கேளடா

தனித்து வீட்டிலே இருக்கும் பிள்ளைகள் என்ன செய்கிறார் பாரடா
அவர் நிண்ட்டிண்டோவிலும் இண்டெர்நெட்டிலும் பொழுதைக் கழிக்கிறார் பாராடா
பொழுதைக் கழிக்கிறார் பாராடா

செல்வம் சேர்க்கவே இங்கு வந்ததாய் என்றும் சொல்கிறார் கேளடா
இவர் மார்ட்டுகேஜையும் காரு லோனையும் அடைப்பது எந்த நாளடா
அடைப்பது எந்த நாளடா

கொலஸ்டராலையும் கேலரீயையும் எண்ணிப் பார்க்கிறார் பாரடா
இவர் கருணைக் கிழங்கையும் முருங்கைக் காயையும் பார்த்து எத்தனை நாளடா
பார்த்து எத்தனை நாளடா

பத்து மைல்களோ நூறு மைல்களோ பார்ட்டி என்றதும் பாரடா
இவர் ஒட்டு மொத்தமாய் குடும்பத்தாருடன் ஓட்டிச் செல்கிறார் காரடா
காரோட்டிச் செல்கிறார் பாரடா

ஆண்டுக்கொரு முறை வீட்டு ஞாபகம் வந்து விட்டதும் பாரடா
இவர் மூட்டை முடிச்சுடன் இரண்டு வாரங்கள் ஊரில் இருப்பாரடா
சொந்த ஊரில் இருப்பாரடா

பெற்ற தாயையும் சுற்றத்தாரையும் பிரிந்து வந்தவர் தானடா
இவர் பெற்ற பிள்ளைகள் பிரிந்து போகையில் வருத்தப் படுகிறார் ஏனடா
வருத்தப் படுகிறார் ஏனடா

குழந்தை வளர்ப்பிலே தமிழுக்கிடமின்றி ஆகிப் போனது ஏனடா
அட வெளிநாடுகளிலே வாழும் தமிழரின் வாழ்க்கை முறை இது தானடா
வாழ்க்கை முறை இது தானடா.

4 comments:

  1. ரொம்ப சரியா சொல்யிருக்கிங்க... வெளிநாட்டு தமிழ் மக்களை பற்றி.....

    ReplyDelete
  2. உண்மைதான் நன்றி நண்பர்களேprakash and farhan உங்கள் வருகைக்கும் கருத்துக்கும்

    ReplyDelete